百份百餐廳 (大興商場)

營業中

休息中

今日返工之前去咗大興嗰邊嘅百份百餐廳買個午餐食。去到嘅時候都唔算多人排隊，排咗兩三個就到我嗌外賣，我嗌咗穀飼牛肉炒讚岐手打烏冬，加多杯立頓奶茶。出餐速度都算快，唔夠十分鐘左右就可以攞得喇。嗰碗烏冬唔算大份，一個男人午餐正常嚟講可能食到六成飽。不過裏面嘅牛肉嘅比例都算多，肉質煙韌，有咬口。成碗味道唔會太濃或過咸，味道適中。烏冬都唔會炒到一pat pat，仲有啲彈牙。立頓奶茶正正常常，冇咩特別。成個午餐六十五蚊左右，都算一個正常價錢，但因為份量唔大冇話特別抵食，可以接受。