居食屋「和民」 (淘大商場3期) (已結業)

難得一家人出去食飯，而我細佬話想食天婦羅，所以我哋就成家人去咗和民度食🥸🥸。------------------------------餐廳嘅空間都好闊落，坐卡位嘅話都坐得好舒服。😗😗------------------------------細佬就嗌咗天婦羅飯，我就嗌咗十勝豚肉飯，我媽咪就嗌咗南蠻炸雞飯。天婦羅飯嘅份量都幾多，特別係舊魚，好大嚿🤣🤣。而我嗰個十勝豚肉飯份量就相對地少，食完都唔夠飽🤧🤧。但係味道方面都算係幾好食嘅。呢個南蠻炸雞飯個調味幾好食，連埋嗰醬食好夾。------------------------------如果附近冇乜日本餐廳，和民都食得過嘅🤣。