銘陽車仔麵 (已搬遷) 新店位置

夜晚一個人唔知食乜嘢好，就決定食車仔麵。我唔食澱粉質嘅，呢度可以嗌淨餸，最少三個餸，揀咗蘿蔔、炭燒豬頸肉同埋豬大腸，另外加咗碟腩汁生菜。蘿蔔非常甜，小小渣可以接受。炭燒豬頸肉比較乾，唔夠油，可能燒得過左火。豬大腸夠肥，算好食。生菜有浸泥味，麻麻哋。坐耐左發現間鋪係全女班，連廚房都係，幾得意。樓面姐姐算親切，隔離枱嗌餸時不斷問長問短，佢都好有心機回答，仲會比意見點樣嗌抵食啲，抵讚！埋單盛惠$48 ，咁又一餐。