大勝丼 (已結業)

大勝丼 在openrice 訂有88折，仲要星期五都有都幾吸引就決定去試吓，去到款式都不少，我就叫了刺身丼而朋友就叫了熱食。送的湯的覺得太咸，飲了一口就放棄了。刺身丼自選最少要選4款，再配普通壽司飯，講真整體只可以講普通唔難食，但好新鮮又未至於，飯份量不少但覺得有點濕，刺身4款份量仲可接受，紫菜比較淋身不脆口。火炙狂牛丼，牛肉份量都不少，醬汁偏多比較咸，蛋有啲熟咗少少，整體飽肚但好好食又未至於。蟹籽沙律偏多沙律醬，青瓜絲都新鮮，份量可以。