天外天

因為朋友生日，雖然沒有晚市，還是在日間出來吃一吃飯吧，因為疫情關係，所以選擇酒店比較安心，今次就揀咗到天外天，很久很久以前有食過天外天的下午茶，是我覺得最合我口味的下午茶，因為咸點比甜點多，而且精緻，也很好吃，記憶所中，我應該跟唔同朋友食過3次，但可惜，好像取消了，希望疫情過後可以再回歸，因為真係好好食！好，講回正題，今次個early dinner 叫咗以下幾款：🔸蝦餃、蜜味叉燒包、蜜味叉燒-一般，叉燒唔夠肥，亦唔夠蜜味🔸脆皮海皇腸粉-腸粉幾特別，入邊包了網皮係入邊，吃時有脆脆的感覺，但又不是炸兩🔸椒鹽龍鬚-不太特別，而且偏油，我還是喜歡要般酒樓的炸魷魚鬚🔸凍頂烏龍茶燻鴿-有淡淡的茶燻味，不俗🔸生炒臘味糯米飯-這個不錯，乾身，不算太粘口🔸焗蟹蓋-蟹蓋偏細，入邊雖然都有不少蟹肉，但配料也不少，如洋蔥、菇粒等，沒有驚喜。🔸脆皮炸子雞- 皮尚且脆，肉都嫩，但雞肉沒有味道，不能稱為出色。 總括來說景色一流（但前提是你要坐到窗邊位置），服務不俗，至於食物由點心至小菜，都沒有期望中的好，可能因為期望越高失望越大。