彩福皇宴 (安達中心)

營業中

休息中

終於放暑假啦！暑期第一擊梗係去同公公婆婆嘆個靚茶啦！準備下午同佢地去科學館玩餐勁，所以揀咗位於尖東嘅彩福酒樓。酒樓裝修佈置十分雅致，座位好歡堂。呢間酒樓嘅點心相當唔錯，我哋都點左佢嘅得獎點心。鮑魚蝦餃王，鮑魚細細隻但勝在夠名貴！婆婆最鍾意食滷水豬仔腳，滷得夠入味，又夠林夠滑 ！我自己就最鍾意食酥炸魷魚鬚蝦腸同蝦餃都係大大隻蝦，完全冇肥肉，爽口彈牙。當然唔少得佢個獲獎旋風流沙奶皇包其實個瑤柱海皇炆鴛鴦米都幾好食，但係叫得太多野食唔晒，最終要打包返去做晚餐。