大家樂

營業中

休息中

今日無啦啦想打邊爐，貪方便就落樓下去大家樂食。今次同屋企人2個人食，叫左一人一個鍋，我叫左個2份牛肉，佢叫左個豚肉既，其他料都係一樣，係D肉唔一樣姐。仲有優惠價1蚊2杯野飲。我叫左個番茄牛尾湯底，個湯好濃，都真係見到有D牛肉係入邊!!!屋企人叫左個豬骨湯，比較清少少。豬肉丸係人手打，有D香菇係入面，都幾觧甜。魚皮都好脆身。牛肉都多，1人食曬2份真係會飽。最多都係個米線，食完完全飽曬。落湯一陣就已經入曬味，而且都幼身個隻，幾好食。D生菜都唔少，但係洗得唔夠乾淨。本身想叫檸檬特飲，但佢話無曬，就只有要凍檸樂，但係我覺得有番畺味重D會比較好。大家樂既一人邊爐不過不失，如果唔大食既，一個人都食一個都夠曬飽。