蘇山雞飯

營業中

休息中

呢2日天氣好反覆呀, 忽然間涼咗好多, 今日去長沙灣時見到 ❥⧽蘇山雞飯 ❥⧽有肉骨茶食, 即刻入去食, 等自己可以暖笠笠。餐廳有好多卡座位, 枱與枱之間有足夠距離, 都坐得幾舒服。𓊈白胡椒肉骨茶配白飯+炸油條𓊉肉骨茶偏重胡椒味, 唔會太重藥材味, 容易入口, 肉嘅份量好多呀, 肉質軟腍, 配白飯食或者油炸鬼食都好好味。𓊈炭燒豬肉串𓊉大大力推薦呢個豬肉串, 燒得好香而d 豬肉好嫩滑亦充滿肉汁。𓊈海南豬扒咖哩烤餅𓊉豬扒好厚身有咬口, 咖哩香濃, 用嚟蘸烤餅食, 好好味。𓊈恐龍美祿𓊉面層有美祿同朱古力碎碎, 見到已經好開心, 充滿童真嘅感覺, 味道唔會太甜。𓊈金裝柑桔蜜𓊉酸酸甜甜好開胃, 裡面仲有薄荷葉, 加埋一齊好解渴。✧✧ 整體食物同飲品都好好, 職員好 nice, 我唔知點解 QR code 落唔到單就即刻幫我手寫落單, 值得再去呀。