元朗合隆潮州粉麵 (德仁街)

營業中

休息中

天氣涼涼地，最啱飲返碗胡椒豬肚湯暖暖胃，呢度嘅白胡椒豬肚湯，湯底鮮甜，鹹淡適中，帶有胡椒嘅香同辣，唔會嗆喉。每逢午飯時間一定要排隊，真係要早啲黎先得。配料揀左豬潤🐷、豬肺🐷、墨魚丸🦑。我碗豬潤好好味，唔老，但朋友嗰碗就有啲過熟，有啲靭，真係要睇下好唔好彩。豬肺冇異味，吸左胡椒湯好入味，正。墨魚丸都係推介，好彈牙鮮甜，一啲都唔實。另外叫左小食花雕醉雞🐔同上湯白蘿蔔。醉雞好入味，酒香得黎仲帶啲甜味，好好味。白蘿蔔冇渣，吸哂湯幾清甜，但係飲左胡椒湯再食蘿蔔就淡左啲。值得一提係自家製金銀菊花茶🌼，唔會太甜，好足料，好解渴清熱。