蛇王品

營業中

休息中

約咗鄰居入元朗食晚飯，天氣勁凍，食飯之前搵個地方暖吓身。今次試吓食呢間，之前疫情冇得堂食，淨係買咗蛇包外賣今次就可以坐低食。因為仲有一個鐘頭後就食晚飯，所以嗌咗個A餐一個細蛇羹一個糯米飯同埋一碗蛇湯啲糯米飯淨係食咗啲花生同埋食咗啖飯，其實係幾軟糯又有嚼口，但係一陣間要食飯，所以決定都係打包個飯。啲花生都好鹹香脆口，唔會係淋晒嘅。個蛇羹蛇肉唔算多，建議都係加錢加大個蛇羹會開心好多。另外蛇湯飲落去冇乜藥材味，但係一出門口行咗5分鐘到就成身出汗，個湯都有啲料到，成個人暖番曬。