影片
更多
2023-11-02
2093 瀏覽
。O小姐。暫停一下。日常。忙咗咁耐，係時候要暫停一下，休息一陣。難得朋友又可以放假，咁我哋就一齊出嚟飲過咖啡食個下午茶啦😏講返間餐廳先，呢間餐廳個名都幾得意，叫暫停一陣 Pause it 😬即係再忙都要休息一下。間餐廳位於炮台山嘅橫街入面，搭地鐵嘅話，出地鐵站，過馬路直行嗰兩條街道，見到AIA就向左，咁就會見到啦，佢呢條街好多嘢食，地理位置嚟講都近嘅，揀呢間餐廳嘅原因，第一佢係樓底好高啦，方便傾偈，第二就係佢有得俾我呃like打卡☺️由於我哋係下午茶時間過嚟，所以人唔係好多，唔係好使等就已經可以有位座。我哋分別叫咗一個黑芝麻latte，另外一個係Hojicha Latte! 個黑芝麻咖啡好香，好重黑芝麻味，而培茶咖啡都好有茶味嘅，不過如果兩杯相比嘅話呢，黑芝麻咖啡會更勝一籌🫨可能因為比較特別啲。除咗個味道之外，重點係個拉花好靚！打卡一流🫢話說我都有學過咖啡班，拉花拉個心心都已經拉到想死，飲咗好多杯自己沖嘅咖啡都未拉到一個靚嘅心🥲所以出去飲咖啡嘅時候，見到人哋拉得好靚，係好羨慕。頭先偷望嚇d 咖啡師，佢哋個樣都好後生㗎咋喎，再睇返間鋪入面d poster ， 原來佢哋有咖啡拉花班😯 唔通佢
忙咗咁耐，係時候要暫停一下，休息一陣。
難得朋友又可以放假，咁我哋就一齊出嚟飲過咖啡食個下午茶啦😏
講返間餐廳先，呢間餐廳個名都幾得意，叫暫停一陣 Pause it 😬即係再忙都要休息一下。
間餐廳位於炮台山嘅橫街入面，搭地鐵嘅話，出地鐵站，過馬路直行嗰兩條街道，見到AIA就向左，咁就會見到啦，佢呢條街好多嘢食，地理位置嚟講都近嘅，揀呢間餐廳嘅原因，第一佢係樓底好高啦，方便傾偈，第二就係佢有得俾我呃like打卡☺️
由於我哋係下午茶時間過嚟，所以人唔係好多，唔係好使等就已經可以有位座。
我哋分別叫咗一個黑芝麻latte，
黑芝麻咖啡
21 瀏覽
0 讚好
0 留言
焙茶咖啡
18 瀏覽
0 讚好
0 留言
除咗個味道之外，重點係個拉花好靚！打卡一流🫢話說我都有學過咖啡班，拉花拉個心心都已經拉到想死，飲咗好多杯自己沖嘅咖啡都未拉到一個靚嘅心🥲所以出去飲咖啡嘅時候，見到人哋拉得好靚，係好羨慕。頭先偷望嚇d 咖啡師，佢哋個樣都好後生㗎咋喎，再睇返間鋪入面d poster ， 原來佢哋有咖啡拉花班😯 唔通佢哋就係喺度上完堂跟住之後就喺度做埋part-time？ 咁下次嚟嘅時候，我係咪都可以先上完個拉花班，跟住再去飲返自己杯咖啡🤣 一邊賺錢，一邊飲咖啡跟住再打卡呃like 🫢
當然，打卡咁重要，除咗飲嘢之外，咁都要食嘢我哋仲叫咗個全日早餐，
全日早餐
37 瀏覽
1 讚好
0 留言
法式西多士
32 瀏覽
0 讚好
0 留言
如果想有個輕鬆嘅下午，飲杯咖啡，又想同朋友傾嚇偈嘅話呢，我覺得可以嚟呢度，因為佢樓底都真係高，唔會好侷促，咁當然，如果有一杯好飲嘅咖啡就會更加好😏
張貼
