潮螺螺真香螺蛳粉

營業中

休息中

螺絲粉興咗幾年，試咗幾次，包括響桂林都食過一次，一直都唔明白點解啲人話好食，又食唔出啲乜嘢螺絲味，直至到有一天遇到呢一間，即管入去試吓，發現原來可以係咁好食嘅，各種配料都好配合，而且食得出好新鮮，最難得嘅就係真係可以食到螺絲味，因為裏便真係有幾十粒螺絲BB。到而家應該食咗四次，不過最近呢兩次，啲花生好似冇之前咁新鮮，希望舖頭留意吓。因為我鍾意食啲螺絲，所以呢兩次都特別嗌多一碟炒螺絲，自己加料落去碗麵度，大滿足。食完呢兩樣嘢，飲多杯凍檸茶，已經飽飽，所以暫時都未試舖頭其他小食。希望搵一次同朋友一齊嚟食，大家可以share多一兩樣小食。