浜焼き (已結業)

今天交左大project, 一於同同事去食下新開的曰本餐廳。這餐廳位於商廈樓上，可能是新開的關係，午市的人唔多。午市餐點有11款，由88至238，包湯，沙律同蒸旦。沙律份量少一點但感覺清新，蒸旦十分嫩滑有鮮味。輕井沢地雞親子丼（$88）這丼飯大滿足，碗飯大大碗，滿滿的鋪滿雞件同滑旦。雞肉已去皮，好鬼健康，味道唔錯，肉質算滑，但是分不出輕井沢的雞同平日的雞有什麼分別，也許皮下脂肪較少吧。雞肉被厚厚的滑旦包住，質地滑溜，旦味濃郁，滑旦反而成為了主角，正！無論飯同餸的分量唔少，對於女仔嚟講，真係好飽肚。三文魚親子丼配稻亭烏冬（$108）三文魚生厚度適中，色澤鮮，脂肪紋平均分佈，絕不是爭鮮的貨式，食落新鮮。醋飯酸酸地，唔會太淡，托出魚生的鮮。稻亭烏冬：扁扁的烏冬麵條，入口很滑，質地稔稔地，而柴魚昆布湯底很清，整體味道比較淡。但於涼涼天氣有碗暖物落肚，的確又唔錯。整體食品水準中上，價格合理，唯餐無包甜品或餐飲，感覺有少少失落。總括而言，可以再訪。