影片
更多
2010-04-21
19 瀏覽
18-4-2010本來想去自家烏冬 (http://www.openrice.com/restaurant/commentdetail.htm?commentid=2074886) 對面的小店食三色丼, 但原來佢星期日唔開 , 結果去了前身好似叫「櫻」, 但未食過已執笠的呢間上樓店.對日替 (店員好似話叫咩「味噌煮豬排」...) 興趣不大, 結果大家 share 食「麵豉燒茄子」及燒牛舌以外, 又叫了生吃的 set lunch (跟沙律, 前菜, 茶碗蒸, 味噌湯及咖啡) , 不過似乎大家都叫錯嘢了:-先嚟菜沙律... 沙律菜唔多新鮮, 又冰凍到呢 生菜大大塊的, 食落又硬硬的, 青瓜仲帶點「雪」味!?!? 配上份量太少的 dressing, 食剩絕對無難度 , 淨食車厘茄吧啦.前菜係醬油漬海帶? 賣相「立立令」, 食落則黐笠笠及帶點滑潺潺, 質地硬, 味道極鹹, 唔喜歡.茶碗蒸賣相一般, 食落算滑, 配料以不知名香葉 (係咪叫「三葉芹」?) 為主,「湯底」味道清清的, 其實食完印象有點模糊 味噌湯就直程飲咗都唔記得... 點評好呢...主食係「壽司飯」(定食好似 $130)
本來想去自家烏冬 (http://www.openrice.com/restaurant/commentdetail.htm?commentid=2074886) 對面的小店食三色丼, 但原來佢星期日唔開 , 結果去了前身好似叫「櫻」, 但未食過已執笠的呢間上樓店.
對日替 (店員好似話叫咩「味噌煮豬排」...) 興趣不大, 結果大家 share 食「麵豉燒茄子」及燒牛舌以外, 又叫了生吃的 set lunch (跟沙律, 前菜, 茶碗蒸, 味噌湯及咖啡) , 不過似乎大家都叫錯嘢了:-
先嚟菜沙律... 沙律菜唔多新鮮, 又冰凍到呢 生菜大大塊的, 食落又硬硬的, 青瓜仲帶點「雪」味!?!? 配上份量太少的 dressing, 食剩絕對無難度 , 淨食車厘茄吧啦.
前菜係醬油漬海帶? 賣相「立立令」, 食落則黐笠笠及帶點滑潺潺, 質地硬, 味道極鹹, 唔喜歡.
茶碗蒸賣相一般, 食落算滑, 配料以不知名香葉 (係咪叫「三葉芹」?) 為主,「湯底」味道清清的, 其實食完印象有點模糊
味噌湯就直程飲咗都唔記得... 點評好呢...
主食係「壽司飯」(定食好似 $130), 說穿了就係雜錦魚生飯... 飯底帶點黏韌, 醋味好勁, 不過我覺得勁得滯 , 加上混了太多酸薑粒, 味道太搶了; 無仔細研究「魚生」有 d 乜, 只記得魚味最濃香的好似係池魚, 而(魚立)魚就最爽身; 咬穿三文魚籽後幾水汪汪, 食落只有鹹味, 不過好在唔腥; 魷魚就硬得咬唔開, 真係
朋友的壽司 (定食好似都係 $130) 用料差不多, 賣相亦差不多咁唔吸引, 朋友就食剩了兩件青瓜細卷, 跟住擺出一副無奈的「嘴藐藐」樣, 睇怕...
燒牛舌: 燒得熱辣乾身, 軟熟得來幾有咬口, 無預期中的鹹及厚切, 不過都夠香的, 幾好食.
麵豉燒茄子: 原來屬「名物」, 茄子面頭塗了甜麵醬, 燒得軟熟但唔「稀爛」, 食落軟滑多汁, 不過甜麵醬比預期中甜得多, 更有點食甜品的感覺 , 唔慣, 但都幾好食.
最後來杯稀稀的咖啡, 齋飲苦得似涼茶 , 落了大量雀巢牌 Krematop 較易入口, 不過味道就變得有點「三合一」了.
埋單每人約 $185, 係咪我哋叫錯嘢? 會否再來真係唔知, 不過下次就一定唔會叫生嘢了.
張貼
