影片
更多
2015-08-18
1117 瀏覽
東南亞菜一向都幾鍾意，無論越南、星馬、泰國……貪其香料味變化多端，繼上次去咗南角道嘅「泰式素食」同老婆食咗一餐素食嘅泰國菜晏仔之後，今日再同屋企人嚟食番餐唔素嘅泰國菜午飯。雖然話九龍城有多好泰菜館，更不乏卧虎藏龍，之但喺小弟就無乜個人心水，不過，啱啱睇過相熟食友對「小曼谷」嘅食評，再Whatsapp問過都話唔錯，所以，穩穩陣陣就食依間。大熱天時、烈日當空，由樂富港鐵站行過嚟都咪話唔辛苦，不過，好彩有巴士直達到附近，真期望快啲有地鐵過到嚟九龍城。一入到店內，有別一般傳統嘅九龍城泰菜館，除咗門口無一座座嘅神神佛佛嘢之外，內裡亦唔多見有，竹排嘅裝飾，半藤半皮嘅座椅，算喺有點點特色，但勝在樓底夠晒高，令人感覺寬敞。原以為有啲午市套餐供應，原本星期日喺無嘅，我哋就只好散叫。一大一細兩個餐牌，大嘅喺主餐牌，有齊店方所供應嘅食物，如泰式沙嗲串燒、風味海鮮BＢQ、廚師精選、沙律類、炒菜類、飯類、炒河類、咖喱類、炸物類、湯類、飲品及甜品，足足過百款嘢食。而細少少嘅餐牌就主要喺一啲店方嘅推介，或者熱賣，包括各個類別，如無個人偏好，大可以晌依個細餐牌着手，集中試啲「精選」。餐牌內有多款沙冰選擇，定價唔貴，都
大熱天時、烈日當空，由樂富港鐵站行過嚟都咪話唔辛苦，不過，好彩有巴士直達到附近，真期望快啲有地鐵過到嚟九龍城。一入到店內，有別一般傳統嘅九龍城泰菜館，除咗門口無一座座嘅神神佛佛嘢之外，內裡亦唔多見有，竹排嘅裝飾，半藤半皮嘅座椅，算喺有點點特色，但勝在樓底夠晒高，令人感覺寬敞。
原以為有啲午市套餐供應，原本星期日喺無嘅，我哋就只好散叫。一大一細兩個餐牌，大嘅喺主餐牌，有齊店方所供應嘅食物，如泰式沙嗲串燒、風味海鮮BＢQ、廚師精選、沙律類、炒菜類、飯類、炒河類、咖喱類、炸物類、湯類、飲品及甜品，足足過百款嘢食。
而細少少嘅餐牌就主要喺一啲店方嘅推介，或者熱賣，包括各個類別，如無個人偏好，大可以晌依個細餐牌着手，集中試啲「精選」。
餐牌內有多款沙冰選擇，定價唔貴，都喺$22-$30，有啲特飲如泰式龍眼冰、椰汁冰都喺賣緊$22，飲杯汽水都要$14啦，所以，揀特飲絕對划算啲。
芒果椰汁沙冰 $30以芒果味為主，椰汁味則比較隱約，但芒果味好清甜、好香濃，加上夠冰凍，口感又頗綿密，唔會有粒粒冰感，所以，杯沙冰值回票價。
芒果椰汁沙冰
$30
68 瀏覽
1 讚好
0 留言
椰青 $36家人喜歡飲得天然啲，所以，椰青自然成為佢嘅心水。清澈嘅椰青水椰香清雅，清涼解渴，椰肉嫩滑，輕易就刮到出嚟食。
椰青
$36
46 瀏覽
1 讚好
0 留言
幾款沙律中，都喺對柚子沙律情有獨鍾，因為貪泰國紅柚清甜唔澀又爆汁，果然，個沙律無令人失望，唔單止柚肉多，粒粒飽滿多汁，清甜不澀，又灑上花生及乾椰絲，增加口感嘅層次度，加上幾隻爽口嘅大鮮蝦，就喺令個沙律錦上添花，讓人覺得更抵食，至於個汁做得酸香而帶點辣，少少刺激醒胃。
泰式柚子沙律
$78
44 瀏覽
1 讚好
0 留言
估唔到個咖喱海鮮真喺咁大碟，之前睇老友個食評都唔覺。大碟還大碟，但的確抵食，因為有大頭蝦、大花甲、青口、鮮魷，份量十足，仲有唔少配菜，所以，非常豐富。先講個咖喱，汁底綿滑，微微椰香，辣度十分輕微，整體而言確實唔錯。而幾款海鮮都好鮮味，喺啲青口麻麻哋，大花甲厚肉鮮甜，鮮魷口感柔嫩，講到最有睇頭，就梗喺隻大頭蝦啦，輕易拆到啲蝦肉，大嚿大嚿咁放入口，仲要沾滿咖喱汁，真喺食得不知幾爽。
泰皇咖喱炒海鮮
$198
51 瀏覽
2 讚好
0 留言
泰式原味烤酥餅 $25食咖喱，唔叫個白飯，或者酥餅，真喺會嘥晒啲咖喱汁，所以，點一客泰式原味烤酥餅，再用嚟沾咖喱食，熱辣酥香嘅酥餅，夾雜咖喱放入口，真喺一流。
泰式原味烤酥餅
$25
63 瀏覽
1 讚好
0 留言
原隻鮮魷筒釀糯米飯 $148以上無論啲嘢飲、沙律或咖喱，都做得有水準，臨尾，就點個糯米飯墊墊肚，怕大家唔夠飽，不過，件魷筒又好，糯米飯又好，都有過鹹嘅情況 。其實，見大廚做依道菜都花咗啲心機，將糯米飯釀入原隻鮮魷筒再燒，再鎅開魷筒成一件件，配酸辣汁同食，再者，件魷筒燒得金黃焦香，賣相賺得唔少分，唯可惜鹹咗啲，此外，糯米飯亦有少少煮得過爛，算喺失手之作。不過，份量上，食起上嚟就絕對好夠飽肚！
原隻鮮魷筒釀糯米飯
$148
68 瀏覽
2 讚好
0 留言
幾樣餸都上枱快，招呼亦唔錯，不過，最後嘅原隻鮮魷筒釀糯米飯就等得好耐，滿以為喺「曼」功出細貨，卻有啲甩漏。因為一道糯米飯嘅失準，所以，只好俾個OK先，希望下次再嚟會做得好啲！
張貼
