牛角日本燒肉專門店 (又一城)

營業中

休息中

牛角一直係我最愛既日式燒肉店。而九龍塘分店開左半年左右，今次係第二次食，地點位於無印良品隔離，等位既時間可以打吓書釘都唔錯。用app 拎飛，個app 叫號系統非常準確，唔會有delay 情況出現。大約等左半個鐘左右就可以入座呢間分店面積都幾大，座位好多，我地被安排坐係卡位。落完單既同時就要落醬啦，左至右分別係燒肉汁，味噌醬(小辣)，鹽醬。其中鹽醬係我最愛，點牛豬雞一樣禁夾!!牛肩脊肉，比較淋身既部位，建議點燒肉汁食厚切牛舌，感覺上差左，以前燒肉係好爽既，而家食到韌豬頸肉係必食!!燒到有黃金色後點鹽醬食好好味牛角飯，食燒肉驚油膩既可以叫個飯中和返，加入燒肉汁同溫泉蛋/紫菜撈埋既飯襯燒肉令人食指大動!食完之後仲意猶未盡!豬大腸，份量都幾多呀，燒到七八成熟剪開再燒燒兩邊就岩岩好。呢個會員優惠既牛肋肉拼盤，面頭兩塊牛肋肉超級肥美，油花好多好好食，牛肋骨比較韌，壺漬牛肋肉反面冇咩味。燒魷魚，除左魷魚筒仲有鬚，燒熟後好彈牙。平時飲開既完熟蘋果汁冇貨，所以就飲左芒果汁，唔錯呀甜品今次試左鯛魚燒，放上爐每邊燒半分鐘左右就可以食，鯛魚燒皮太厚有D韌，但吉士餡係OK既。