影片
更多
2025-02-19
0 瀏覽
天氣凍最岩就係打邊爐，牛站係我其中一間好鐘意食嘅火鍋放題店！餐廳依家仲做緊優惠，可以任食大頭蝦，鐘意食海鮮嘅唔好錯過！😍湯底有10款選擇，我地叫左滋補豬骨湯鍋，湯鍋足料有味但唔會太咸。特上牛小排套餐，價錢方面，星期一至四，晚市$338一位；星期五至日、假期及前夕，晚市$348一位。呢個套餐可以食到特上牛小排、SRF美國極黑和牛同澳洲M5和牛，當中牛小排嘅牛肉嘅味道最濃郁，而且脂肪比例適中，紋理都幾靚，入口亦夠軟腍👍🏻👍🏻大力推薦！海鮮選擇都超多，除左可以任鮮味十足、勁爽口嘅大頭蝦，仲有牡蠣、象拔蚌、帆立貝、沙白、海參、鮑魚等海鮮，食落好新鮮😚😙以呢個價錢就食到咁高質嘅食材真係性價比十足！🤩自助區提供數十款自助小食、配菜和醬料，包括各式冷盤前菜、熱盤及蔬菜。此外，仲有平時比較少見到嘅火鍋配料，如花生苗、綉球菇、冰菜、水蓮，真係令我大開眼界😳甜品選擇比一般火鍋店多，有布甸、泡芙、乳酪、韓國雪條、haagen dazs雪糕、movempick雪糕、楊枝甘露，全部都任食😝食到最後記得要留肚食埋佢😛
湯底有10款選擇，我地叫左滋補豬骨湯鍋，湯鍋足料有味但唔會太咸。
特上牛小排套餐，價錢方面，星期一至四，晚市$338一位；星期五至日、假期及前夕，晚市$348一位。
呢個套餐可以食到特上牛小排、SRF美國極黑和牛同澳洲M5和牛，當中牛小排嘅牛肉嘅味道最濃郁，而且脂肪比例適中，紋理都幾靚，入口亦夠軟腍👍🏻👍🏻大力推薦！海鮮選擇都超多，除左可以任鮮味十足、勁爽口嘅大頭蝦，仲有牡蠣、象拔蚌、帆立貝、沙白、海參、鮑魚等海鮮，食落好新鮮😚😙以呢個價錢就食到咁高質嘅食材真係性價比十足！🤩
自助區提供數十款自助小食、配菜和醬料，包括各式冷盤前菜、熱盤及蔬菜。此外，仲有平時比較少見到嘅火鍋配料，如花生苗、綉球菇、冰菜、水蓮，真係令我大開眼界😳
甜品選擇比一般火鍋店多，有布甸、泡芙、乳酪、韓國雪條、haagen dazs雪糕、movempick雪糕、楊枝甘露，全部都任食😝食到最後記得要留肚食埋佢😛
張貼
