文記車仔麵 (福榮街)

營業中

休息中

以前有段時間成日係深水埗，文記就變咗我嘅飯堂，今次特登去深水埗，因在實在太多年冇食文記車仔麵😭兩點幾，仲係有非常多人排隊。我都等咗大概四個字先入到去。車仔麵個價錢來講，佢真係一啲都唔貴，而且最低消費亦都十分平民。我嘅最愛係豬紅同埋豬腸，每次嚟到必叫。今次叫埋佢個手打魚肉。豬腸同豬紅十分入味，豬紅仲非常爽身，勁推介呀。手打魚肉亦都比出面更加有口感。由於天氣太熱，叫埋杯凍奶茶，爽呀。佢嘅份量非常多，我叫咗三餸一麵都食唔晒。一定要讚佢個菜莆同佢個辣汁😋我每次都會落勁多😆唔知下次會係幾時再食啦😭