祥發茶餐小廚

營業中

休息中

曾經係銅鑼灣好出名食瑞士雞脾兼平靚正，成日都聽男友講個瑞士雞脾好正，不過可惜執左，無意中發現係北角開左，所以帶男友黎，佢都好suprise認得個老闆娘同d伙計，亦都搵返佢係哩間茶記既回億。價錢十分抵，我簡左A+B+C都係$33連埋野飲 令笠笠0既雞脾，我用刀叉食雞肉都煮到好冧所以好易砌開，食落雞肉好嫩滑好入味，瑞士汁亦唔會偏甜，點埋汁食正呀！果然係瑞士雞脾專門店，幾乎每個人都會必點係真正0既魚柳...包! 魚柳炸到0岩0岩好，唔似有d茶記炸粉過多好似食緊個炸粉餅咁。。，麵包都有烘過黎包面有d脆。哩個係煎薯餅黎，個樣有d似蘿蔔糕，食落啖啖都係薯仔蓉，唔會好似m記薯餅咁炸到好多油又熱氣。沙嗲牛肉麵都係一般茶餐廳貨色，略嫌公仔麵煮得唔夠耐所以好硬身。總括黎講瑞士汁雞脾真係令人一試難忘，一定會再去，因為價錢抵食，用料都十足，味道都好味。