新桂香燒臘

營業中

休息中

今朝老婆有D唔舒服，車佢去睇完醫生先送返工，結果十一點幾喺港島。好！自從搬離太古城後實在太耐冇踩去柴灣揾新桂香，一於咁話！肥义燒肉飯多色，跟例湯唔該。大概康文署𥄫得好實，冇辦法再擺到街枱，齋咁細間鋪要逼入去坐得低真係有D難度，好彩一條佬，點都攝到一個半個位，如果帶老婆仔女勸您就咪搞囉。香甜肥潤多汁會泌油嘅义燒……隔離嘅女人嗌瘦义雞胸少飯走汁，噢……！留心！對面停車場出口條彎曲下斜路唔係一般司機可以駕馭，唔熟記住要好慢、要望鏡、要盡直！跟住去咗太古城超市，呢度係好奇怪嘅，唔知點解，買開嘅膠枱布、牙刷牙膏、膠手套、洗潔精，真係全香港都揾唔到係呢度至有，所以搬走咗咁耐都要得閒番嚟入貨。