羅麥記 (荃新天地) (已結業)

平日中午食飯，黎黎去去都炒粉麵飯，間唔中轉換口味就會食常餐。而近年來唔少茶餐廳＂轉型＂冰室，造就左好多懷舊冰室食物出現。所以不時同朋友出去食飯，都會揀冰室試下常餐。價格相宜之外，食物種類又多。1. 羅麥雞翼撈通粉 配羅記炒蛋多士跟餐配既多士剛剛烘好，塗上一層薄薄既牛油，焦焦脆脫之外，牛油有陣咸香味，食落格外惹味。多士永遠都要襯熱食先好味，凍左就。。拜拜跟餐仲有炒蛋，可以轉熟蛋、太陽蛋或反蛋。主食瑞士汁撈通粉，味道略淡，好似同通粉唔係好夾，味道融合唔到其中唔會令我想一口接一口。不過如果你鍾意食清淡／清爽既口味，可能會覺得無問題。而瑞士汁雞翼煮得好淋，表皮冇破損，但依然十分之入味，而且可以輕易骨肉分離。就連軟骨都可以食得乾乾淨淨。總括而言，可以中規中矩，唔難食亦無特別驚喜。