魂 (已結業)

我地鍾意食日式拉麵，間唔中就搵D新地方試下，今次見太子呢間好多人幫襯所以午餐時間，我地黎呢到食左個拉麵。 餐廳門多有呢個牌寫明左有邊幾款拉麵，分左邊幾款湯底。 我地一直都最鍾意原味豚骨湯底，所以點左呢個<魂拉麵 $89> 每碗拉麵有叉燒 玉子，紫菜，木耳，蔥，先試一口湯底，入口有濃郁豚骨湯味，湯頭有微微黏咀的骨膠原感，湯底質地濃度岩岩好，又唔會太杰身，麵質彈牙，麵質掛湯力中等，叉燒是薄切，入口好香好鬆化。 呢到係採用用電子屏幕下單，比較環保。 飲品方面，除左有汽水之外，仲有酒類及熱飲，今次我就點左波子汽水 $18 抺茶味，第一口入口茶味都幾濃，如果鍾意抺茶可以試下，比較少有。