花椒子 (已結業)

最近好想搵啲特色嘅川菜嚟食吓，經過雅蘭中心見到呢間新開嘅花椒子，裝修以太空為主題，好特別！仲要有我哋平時都好鍾意食嘅酸菜魚、鴨血鍋，所以我哋都想試吓😍入面嘅裝修好靚，好多以太空為主題嘅霓虹燈，好啱打卡👍🏻🌶飄香酸菜魚拼麻辣鴨血鍋兩樣我哋都好想試，店員介紹原來有得揀鴛鴦鍋。雖然係鴛鴦鍋但係份量一啲都唔少，酸菜魚都有好多魚肉，粗略估計都有十幾塊，魚肉爽滑彈牙冇骨，配菜有好多酸菜、粉絲、金菇，湯底味道濃郁，好好食！ 而我哋另外揀嘅麻辣鴨血鍋，湯底有好多嚿鴨血同豆腐，豆腐係蜂巢豆腐好索湯😍而鴨血都好好味好似以前喺台灣食過嘅味道咁！食晒入面啲配菜仲可以打邊爐🌶火鍋配料火山牛肉真係好啱打卡，成座山咁嘅牛肉幾乎每一台都有叫！牛肉好新鮮好啱打邊爐😍豚肉花又係好啱影相，豚肉喺豬頸肉，砌到成朵玫瑰花咁，豬頸肉都好爽！韭菜餃粒粒都好大隻，韭菜味好濃內餡豐富！最推介係廣島蠔，一碟有6隻，隻隻都好飽滿好新鮮，超級推介👍🏻薯粉同午餐肉都係打邊爐必食😋🌶甜品我哋叫咗最鍾意食嘅紅糖糍粑同玫瑰冰粉，呢兩樣嘢都係食川菜必叫嘅甜品，糍粑好煙韌外脆內軟，配埋黃豆粉同黑糖汁真係食到停唔到口😍而玫瑰冰粉可以超解油膩，啱晒食完重口