莆田 (美麗華廣場2期) (已結業)

又到一年一度食蟶子既季節, 自從上年去過莆田品嚐過蟶子, 每次一經過莆田, 都回憶著味蕾上蟶子既味道。等左好幾個月, 蟶子終於回歸莆田, 放工同同事當然急不及待去莆田食Dinner。入座後送上前菜今年推出左8款蟶子小食, 只係優惠價HK$198可自選兩款:  【鐵板鹽焗蟶子】上年食過既呢款鐵板蟶子, 令人一試難忘, 今次當然要encorn啦!雖然鐵板不是最熱既溫度上檯, 但份量跟上年一樣的多, 蟶子帶少許焦香, 保留到些少肉汁, 鹽焗得幾入味, 少少鹹, 帶出蟶子既清甜。【冰爽酒糟蟶子】凍食既蟶子亦不可以錯過, 呢款蟶子較為飽滿, 沒有加熱令蟶子出現縮水, 而且入口更散發淡淡既酒香而不帶苦澀。【百秒黃花魚】HK$69呢款菜式同樣獲米之蓮推介, 幾乎每檯入座既食客都會order, 絕對係人氣之選!黃花魚只經100秒快速煮熟, 肉質嫩滑而且鮮甜, 不過要小心有少許幼骨【興化米粉】HK$82呢度既米粉為幼身, 有兩隻蝦球、蜆同埋蔬菜碎, 蝦球非常爽口鮮甜, 色香味俱全。