EIGHT GRAND Bar & Restaurant (已結業)

三個人去希愼搵地方午餐，間間都要等位，見呢間有吉枱，於是入去order 咗三個set lunch。等咗5分鐘，竟然餐飲先到！倒轉晒！過10分鐘沙律餐湯到埋。碟沙律一個字形容“少”，求其幾塊菜葉撈兩下就上枱。再過15分鐘终於先來一個主菜，碟三文魚扁意粉（dill sauce salmon linguini) 一擺落枱，大家都不相信眼前是在銅鑼灣一級商場餐廳會有如此樣衰的一碟意粉，大家不約而同拿出手機影低呢碟極品。  本着唔好浪費食物的心態，樣衰照食，由於份量少得可憐，件三文魚比盡得一両重而且有啲腥，唔駛三分鐘食完，件魚有腥味之外重有點“鞋”，意粉醬汁毫無味道，一㸃刁草味都無，得個”杰”字。賣相睇相就知，好似隔離枱食剰或者跌過落地𢴇番上嚟咁！意粉忽忽食完又再過十分鐘，另兩個main course都未見踪影，追問侍應，推說厨房忙，但餐廳都唔滿，無理由。見勢色不對，恐怕再等下去會再次失望，於是立即止蝕埋單，跑過對面何鴻記食埋個午飯。