富記美食堂 (已結業)

近排聽到朋友話竹園有間好食既錫紙粉絲鍋，咁咪同朋友去試過究竟，去到見到已經排緊長龍，可能係dinner time 既關係，排隊果陣已經見到好多人叫招牌錫紙粉絲鍋，其次係富記酸辣粉，而且啲人拎外賣已經聞到果陣強烈既蒜辣香味。雖然頭先話好多人排晒隊，但都好快到我叫野食，我同朋友叫左個招牌錫紙肥牛粉絲鍋、涼拌牛拍葉、炸物拼盤、富記酸辣粉、涼拌冷麵，互相分享。以上咁多野食都好好食，但最正係錫紙肥牛粉絲鍋，個湯底真係冇得彈，我同啲朋友係爭住搶黎飲😂最後一滴都冇得剩。