十二味 (嘉峯匯)

營業中

休息中

之前幫襯開銅鑼灣嗰間十二味，印象好OK，之前都試過呢度附近兩間其他酸菜魚，懷著十二味應該更好食的期待入到呢間鋪頭。食物一擺上檯就知唔對路，回鍋肉唔似回鍋肉，似係油炒豬肉加少少辣椒，啲油散到成個碟都係，肉淡而無味且處理生嫩，食左幾塊放棄了。酸菜魚上檯以為可以扳回少少分數，哇更加嚇人！湯麵一層油脂令人不想下筷，往時食酸菜魚第一淡肯定係飲湯先，但今次啲油令我寧願筷子夾魚肉食算數！青菜就最後一個上，首先都係老毛病，勁量多油但又淡而無味，然後啲菜處理得比廚房新丁仲要求其，一大跳菜梗根本唔似係餐廳出品。求其填飽肚就走人，食咁多次酸菜魚第一次有剩菜，亦都係第一次連紅糖糍粑都唔叫就走。最後講埋環境，窗外環境唔需要講啦，地盤景。天氣咁熱情況下坐卡位竟然齋坐會出汗，完全feel唔到冷氣，隔離檯叫人開大冷氣，個waitress竟然話「坐下坐下就涼架喇」。然後最搞笑係個音樂，原本冇開音樂，食到一半就見到啲侍應開後台音樂，一開，我同女朋友即刻笑出聲，喂好心你抖音歌就唔好係餐廳放喇。非常不愉快的一次晚餐，環境食物服務三項都無法令人打合格分。