Metal Steak (已結業)

身為牛魔王嘅一份子, 當然唔會放棄任何一個可以食牛嘅機會。今日同朋友係上環行完街, 走到歌賦街呢間Metal Steak, 滿足自己口腹之慾!去到餐廳門口, 先點左自己想食嘅肉類款式。我見到有A4和牛西冷, 當然就會揀佢為我嘅晚餐啦。而我朋友就中意食豬扒, 就選取左西班牙黑毛豬配虎蝦。諗好食咩之後, 就係廚房呢個窗口位同廚師講想要邊款, 同埋份量多少。廚師亦都會跟你想要, 手起刀落切出想要嘅份量。廚師切好之後, 就準備係放上爐燒熟。熊熊烈火下, 當然會為豬扒同牛扒帶黎令人吸引嘅香烤感覺。我地見差唔多燒好, 就上樓上雅座, 坐定定, 等食好野!整間餐廳都係類似酒吧吧枱嘅形式, 讓顧客一邊品嚐美食, 一邊與朋友閒話家常。而枱上係有各樣嘅調味料, 包括薄荷汁、黑醋、芥末, 但係我地為左品嚐肉食最真、最原始嘅味道, 決定任何調味料都唔落。唔駛等好耐, 侍應就用鐵板奉上我地剛才order嘅食物。首先係西班牙黑毛豬配虎蝦, 虎蝦嘅份量相當巨大, 而且蝦膏十足, 蝦肉新鮮而結實, 係一個非常好嘅開始! 而西班牙黑毛豬我地揀左5成熟都唔駛怕, 因為餐廳已經有相對應嘅衛生證明。而事實證明, 5成熟嘅黑毛