Vision 8

今晚又同哲豬豬去食晚飯，地點喺荃灣呢間西餐廳。今次呢間餐廳有baby seat, 即時加分（有餐安落飯食）。第一道周打蜆湯，味道好濃郁，再配上口感實在又熱騰騰的面包，非常好👍🏼再來就是青蘋果鮮蝦沙律配芒果醬，好fresh，蝦好大隻又彈牙，而配上芒果醬口味更特別，絕對係開胃前菜好快就上另一道菜-香蒜辣汁雞翼。不會太辣又酸酸的，都係開胃菜再來就係我誠心推介的一道菜-黑松露菌pizza從未試過咁特別的pizza,表面舖滿芝士粉再放幾片紫菜，焗完仲香，食落脆脆的，再加上內裏濃濃的黑松露香，絕對好味，十分滿分會俾二十分為左佢我會再來要上主菜了-一大盤西班牙海鮮飯！用料十足，有好多海鮮，非常豐富呢！仲有豬手，味道OK,肉唔鞋，但個人覺得皮可炸脆啲，香口啲。整體感覺不錯。但中途發生小插曲，哲豬豬又曳曳攪亂檔，把枱上杯水倒瀉左，店員即時衝過來幫手抹枱，又關心哲豬豬有無濕身，完全冇黑面。有時仲過黎撩佢玩，好讓我地食下野，所以感覺服務非常好下次都會黎幫襯，主要係想再食多次pizza