板長壽司 (已結業)

板長壽司應該都唔使多講，相信好多人都已經食過，點解今日會諗起佢食，絕對係因為門口睇到會員八折午餐優惠，本身係啲午餐都係OK抵嘅，有60幾蚊到百幾蚊都有，有前菜有壽司有烏冬或者丼，都算多嘢揀。所以見到佢話八折都俾佢吸引咗，今次叫咗個牛肉烏冬，平時好少喺度食烏冬，佢嘅烏冬係乾烏冬類型所以所以係比較扁身同埋唔係好滑，我個人就唔係太鍾意食呢種烏冬，個湯都略為有少少鹹。但份量就一定足夠，好多時都係眼闊肚窄，望個餐牌感覺好似唔係好多，又叫了幾件壽司食到最後非常之飽，所以正常要一個餐真係好夠