影片
更多
2023-02-13
26 瀏覽
今次同老婆黎食Omakase慶祝情人節，揀左新開冇耐既山Yama試下，老婆話貪佢裝修夠靚餐廳以山做主題，所以擺設同餐具都有山既元素，再配合之後上菜既形式，其實佢更加似係會席料理而唔係普通既Omakase 首先上既係日本唔同地區產既海膽，味道上會有輕微差別，不過配合埋其他食材，其實個分別唔係咁易食得出，整體來講係好食既海膽第二道上既係燒帆立貝、生蠔同蟹肉既組合，各自既味道都幾好，不過都係正常發揮，唔算有咩驚喜再黎既係蝦夷鮑配鮑魚肝醬既經典組合，後面既係清酒，可以提升鮑魚既香氣，蝦夷鮑會比其他鮑魚軟糯，而且味道會比較濃同鮮，算係比較有印象既菜式跟住落黎就係刺身5點，質素唔錯，不過刺身唔會有咩好特別既體驗，所以都係正常發揮，個酸汁味道幾好，我個人幾中意食左咁多凍野之後黎左個熱辣辣既鱈場蟹腳配蟹湯，蟹肉鮮甜彈牙，個湯亦都非常清甜，食完成個人都好舒服用柚子雪葩做間場之後就到壽司環節，食材配搭上唔錯，不過同樣都係正常發揮呢道係宮崎A4和牛，表面稍為煎封，入面仍然係非常juicy，做到入口即化既效果但又冇A5咁膩，配合炸蒜片食個味道層次會更豐富，呢道菜係今晚最有印象同最中意既最後一道菜式係蟹膏蟹肉烏
餐廳以山做主題，所以擺設同餐具都有山既元素，再配合之後上菜既形式，其實佢更加似係會席料理而唔係普通既Omakase
首先上既係日本唔同地區產既海膽，味道上會有輕微差別，不過配合埋其他食材，其實個分別唔係咁易食得出，整體來講係好食既海膽
第二道上既係燒帆立貝、生蠔同蟹肉既組合，各自既味道都幾好，不過都係正常發揮，唔算有咩驚喜
再黎既係蝦夷鮑配鮑魚肝醬既經典組合，後面既係清酒，可以提升鮑魚既香氣，蝦夷鮑會比其他鮑魚軟糯，而且味道會比較濃同鮮，算係比較有印象既菜式
跟住落黎就係刺身5點，質素唔錯，不過刺身唔會有咩好特別既體驗，所以都係正常發揮，個酸汁味道幾好，我個人幾中意
食左咁多凍野之後黎左個熱辣辣既鱈場蟹腳配蟹湯，蟹肉鮮甜彈牙，個湯亦都非常清甜，食完成個人都好舒服
用柚子雪葩做間場之後就到壽司環節，食材配搭上唔錯，不過同樣都係正常發揮
呢道係宮崎A4和牛，表面稍為煎封，入面仍然係非常juicy，做到入口即化既效果但又冇A5咁膩，配合炸蒜片食個味道層次會更豐富，呢道菜係今晚最有印象同最中意既
最後一道菜式係蟹膏蟹肉烏冬，唔需要我介紹都知道有幾好食，另外佢仲有三種唔同年份既陳醋配搭，可以令味道更豐富同有層次
甜品用拿破崙作結，比較少有餐廳會咁選擇，因為會比較麻煩同多功夫要做，不過即制拿破崙真係好食
總結，山既熱食比較出色，不過刺身亦都合格，上菜形式上比較靚，整體來講唔錯，可以一試
張貼
