影片
更多
2024-10-02
191 瀏覽
慶祝周年紀念，特別揀左一間望維港景色既扒房餐廳，雖然系地鋪但環境高級，牆上放滿多款酒。2人Set Dinner $988餐廳開業5周年所推出既set dinner，個人覺得由前菜到甜品，每道菜式既調味都做得好好，擺盤亦都好靚。A4鹿兒島和牛他他薯仔千層和牛無特別加好多調味，牛味非常突出，帶點油分令質感軟嫩，配少少脆口既薯仔千層，薯仔千層既層次口感令人難忘，整個配搭好特別而且好match。藍鰭呑拿魚他他西米薄脆配魚子醬呑拿魚幾有鮮味，帶少少鹹香，配魚子醬顯得更高貴，下面配西米薄脆，兩者一軟一脆既口感夾埋一齊好match。藜麥青瓜沙律2碟都有配沙律，以蜜糖同橄欖油做sauce，配沙律菜、粟米、蕃茄、藜麥等，味道幾fresh得黎又帶蜜糖既甜味。意大利蕃茄凍湯鮮橙色既蕃茄湯，質素幾杰身，雖然系凍湯但蕃茄味仍然好突出，仲有啲蕃茄蓉粒。經典法式洋蔥湯洋蔥湯聽落好似好普通，但需要一定功夫同心機先做到出黎，洋蔥絲炒香過所以湯帶有好香既洋蔥味，微微甜。中間既法式芝士麵包吸收哂洋蔥湯既精華，食落去好重芝士味。輕炙日本鮮帶子配鮮蠔忌廉意大利飯貌相精緻，已預先分好每人一份。帶子表面輕輕炙過，中間仍然軟熟，食落
2人Set Dinner $988
餐廳開業5周年所推出既set dinner，個人覺得由前菜到甜品，每道菜式既調味都做得好好，擺盤亦都好靚。
A4鹿兒島和牛他他薯仔千層
和牛無特別加好多調味，牛味非常突出，帶點油分令質感軟嫩，配少少脆口既薯仔千層，薯仔千層既層次口感令人難忘，整個配搭好特別而且好match。
藍鰭呑拿魚他他西米薄脆配魚子醬
呑拿魚幾有鮮味，帶少少鹹香，配魚子醬顯得更高貴，下面配西米薄脆，兩者一軟一脆既口感夾埋一齊好match。
藜麥青瓜沙律
2碟都有配沙律，以蜜糖同橄欖油做sauce，配沙律菜、粟米、蕃茄、藜麥等，味道幾fresh得黎又帶蜜糖既甜味。
意大利蕃茄凍湯
鮮橙色既蕃茄湯，質素幾杰身，雖然系凍湯但蕃茄味仍然好突出，仲有啲蕃茄蓉粒。
經典法式洋蔥湯
洋蔥湯聽落好似好普通，但需要一定功夫同心機先做到出黎，洋蔥絲炒香過所以湯帶有好香既洋蔥味，微微甜。中間既法式芝士麵包吸收哂洋蔥湯既精華，食落去好重芝士味。
輕炙日本鮮帶子配鮮蠔忌廉意大利飯
貌相精緻，已預先分好每人一份。帶子表面輕輕炙過，中間仍然軟熟，食落好鮮甜，加埋魚子醬，更特顯當中既鮮味。意大利飯食落好香濃蠔既鮮味，略嫌意大利飯煮得較為硬身左少少。黑色既系以墨魚汁煮出嚟既薄脆片，配意大利飯食增加層次感。
美國頂級安格斯肉眼扒配鵝肝黑松露醬
肉眼扒5成熟，無咩血水，肉質夠嫩，好易切開，幾香炭燒味，個人覺得鵝肝黑松露醬做得非常出色，黑松露味好突出，亦吾會有腥味，配肉一流。
朱古力Mousse Cake
Mousse Cake分左2層，上層系朱古力mousse，質感好滑，朱古力味香濃得黎帶點果酸，底層系brownie，朱古力味會更濃郁，配非常香既士多啤梨。
整體用餐體驗都好好，食完一道菜先再上下一碟，就住我地既用餐速度上菜，每食完一道菜亦會更換餐具。日後再有節日慶祝都會考慮再黎！
餐牌：
張貼
