影片
更多
2016-08-06
9269 瀏覽
尖沙咀呢間滬江無記錯都食左成十幾年, 水準仍然保持得幾好佢地個門口特別窄, 經常路過都可能睇唔到, 要落一層樓梯應該早兩年裝修過, 所以裝橫好新淨,夜晚好多客, 如果無訂枱就要排隊今晚約左爸媽妹去吃飯, 一行七個人部長推介點左個套餐, 再加個沙茶鴨1. 四小碟: 薰鴨/海蜇/青瓜/鎮江肴肉 鎮江肴肉相比其他京滬菜館較少肥, 亦無左果塊啫哩狀既膏, 健康但無咁香口 青瓜帶酸爽口, 外皮削薄左可以全塊吞 海蜇較其他菜館既幼長, 個人覺得咬感略差於厚果隻 薰鴨比較粗, 無乜味, 四個之中最差, 薰魚應該會好好多2. 滬式魚撥: 我爸媽話好味, 但係我就唔太like, 皆因以前返大陸食果d真係新鮮好多 以前響廣洲/東莞食既, 明顯肚腩肉係滑嫩無腥味(仲要廿蚊有交易) 而且d紅辣椒一d都唔辣, 有比較下就麻麻3. 白菜肘子炖老雞: 一人一碗無多, 肘子雞肉既味道食得出有層次, 少係少d, 但好味既4. 花膠煲: 重頭戲, 印像中第一次食呢個菜, 聽部長講呢個單點要三舊水, 跟餐好抵食
佢地個門口特別窄, 經常路過都可能睇唔到, 要落一層樓梯
應該早兩年裝修過, 所以裝橫好新淨,
夜晚好多客, 如果無訂枱就要排隊
今晚約左爸媽妹去吃飯, 一行七個人
部長推介點左個套餐, 再加個沙茶鴨
1. 四小碟: 薰鴨/海蜇/青瓜/鎮江肴肉
鎮江肴肉相比其他京滬菜館較少肥, 亦無左果塊啫哩狀既膏, 健康但無咁香口
青瓜帶酸爽口, 外皮削薄左可以全塊吞
海蜇較其他菜館既幼長, 個人覺得咬感略差於厚果隻
薰鴨比較粗, 無乜味, 四個之中最差, 薰魚應該會好好多
2. 滬式魚撥: 我爸媽話好味, 但係我就唔太like, 皆因以前返大陸食果d真係新鮮好多
以前響廣洲/東莞食既, 明顯肚腩肉係滑嫩無腥味(仲要廿蚊有交易)
而且d紅辣椒一d都唔辣, 有比較下就麻麻
3. 白菜肘子炖老雞: 一人一碗無多, 肘子雞肉既味道食得出有層次, 少係少d, 但好味既
4. 花膠煲: 重頭戲, 印像中第一次食呢個菜, 聽部長講呢個單點要三舊水, 跟餐好抵食
有厚花膠, 東菇, 瘦肉, 栗子, 蒜子, 京葱, 荀絲煮成
佢地d花膠的確係好厚下, 好足料好夠味, 唯一美中不足係d荀絲好老好多渣
5. 沙茶鴨: 又係第一次食既菜, 不過我又食唔出有乜特別, 唔點華鹽其實無味道
6. 橙汁炸蝦碌: 因為橙汁酸酸甜甜, 即使隻蝦炸過都無乜燥熱感, 食左兩隻好爽口彈牙
7. 蟹黃拉麵: 呀..............................呢個有d難評
呢隻拉麵同傳統京式差天共地, 感覺上粉質較多, 食落好似烏東
麵上蓋滿蟹黃, 但偏偏又無乜蟹黃味
想話d麵唔得之際, 蟹件又好濃郁蟹黃味喎, 真係好神奇
呢個時間應該無大閘蟹, 佢又唔係毛蟹, 應該係湖蟹黎
配上蠶豆, 有黃有綠有橙係幾好睇, 味道方面就ok咁啦
8. 肘子清煮小唐菜: 食完幾味鹹既, 食返個清清淡淡既菜岩岩好
9. 冰鎮香蕉拔絲: 我自己好少食呢個甜品, 因為浸過冰水, 所以外層連糖醬變得好脆
裏面係熱既香蕉溶, 口感幾特別
10 酒釀丸子: 宋世傑最愛, 酒漕+桔肉+唔知乜野丸子, 味道帶住柑桔既清香, 個人則喜歡傳統大粒果種丸 子
題外話/補充資料：
老食店一定有返咁上下水準, 以專業既京滬菜黎計, 我會評價80分以上
但因為唔係我找數, 我地夾錢全部大約係1600-1700左右
平均每位240咁上下, 物有所值既
(以上食評乃用戶個人意見 , 並不代表OpenRice之觀點。)
張貼
