新華茶餐廳

營業中

休息中

Hello! 大家好！魚蛋姐又出動飲飲食食～ 去到長沙灣，穿過元州邨去到青山道過馬路左轉，望到OK便制店行多兩步就會見到招牌。門口左邊報販，右邊有出爐麵包。左邊報販後面有公主，入門口必定會確認過眼神。入到新華慣例：左邊收銀(應該是老闆)會問：「幾多位？」隨後指點樓上或樓下。友人早到已經樓上雅座等候，所以自己懶熟咁回應：「有位，上面！」當我用熟悉既腳步奔上樓梯時，被叫停先量體溫。這是我多年來這裡沒有的新例。驅體正在量體溫，靈魂已經在座位安坐。照舊待應哥哥勤快地問我哋食咩。驚覺不變的餐牌換了！待應哥哥回應說是上星期換了！立刻查看我們將會點的揚州炒飯和滑蛋牛肉飯是否健在。揚州炒飯仍在小餐牌，滑蛋牛肉飯要從大餐牌內才找到。才鬆一口氣。揚州炒飯粒粒分明，粒粒皆熱，粒粒皆香。找不到扣分位。滑蛋牛肉飯好味，但飯汁比例不均。咁多年都會食淨半碟飯⋯⋯食完唔夠皮，要食多件酥皮。餐牌如下。除了餐牌換了，座位皮都換過。下次再見嚕。