佳香燒臘餐廳

營業中

休息中

中午放飯1條友行過門口見到有乳豬喎，好耐無食過乳豬就走入去試下先，而家唔係好多燒味鋪成日有乳豬賣，不過要留意既係門口個餐牌同入面餐牌乳豬飯個價錢有唔同，呢樣要留意下。鋪頭主打燒味，無其他野食架啦，午餐包埋例湯同熱飲，凍飲加3蚊。乳豬飯，乳豬份量少左dd，斬得都算大塊，俾多塊就好啦，乳豬皮食落都脆既，隻豬唔會好肥，配埋乳豬醬都開胃香口，飯就略濕左dd，但未去到好過份，乾返少少就好啦，始終燒味飯會加色乾身飯會好食d。其他燒味未食過評價唔到，因主要都想食乳豬，68蚊有湯有野飲都合理既。