貘記 (已結業)

最近去左幾間好喜歡嘅小店，貘記係其中一間加入回訪名單的徒步行上唐4樓，我就知道，店內一定同外面係兩個世界。貘記係雜貨X咖啡店，同時亦係工作室、市集。面積唔算大，佈滿各式雜貨，吸引唔少喜歡收藏舊物嘅人到訪。好似餐具、家品、擺設小物等，雜而不亂；環境舒服到不得了。餐點以甜點為主 例如蛋糕、撻；飲料有咖啡、茶等。食甜點飲啡，輕鬆過左個零鐘。咖啡啫喱軟芝士蛋糕軟芝士蛋糕深得我心，好似忌廉嘅質地咁濕潤滑溜，配合存在感強嘅咖啡啫喱，餅底香而鬆化，完全係我杯茶。蛋白糖霜青檸撻青檸撻上有一層蛋白糖霜，口感輕身帶少少焦糖甜味，不過火。青檸撻有一定厚度，酸而醒胃，配合糖霜食較易入口。貘記特調黑咖啡凍柚子薑蜜黑咖啡果香重，跟青檸撻配搭幾有趣；柚子薑蜜相對淡口。仲有其他甜點都好吸引，留待下次再嚐