Apinara

營業中

休息中

環境幾好 食物賣相都唔錯有位應該係經理嘅小姐 做野好爽手又有禮貌 笑容滿面食物賣相雖然唔錯 味道比我想像中普通 冬陰功湯好多海鮮 入面啲蝦好好食 牛肋肉紅咖哩唔知本身都有加冬陰功 啲味蓋過哂 完全食唔到咖哩味😂 牛肋肉幾難咬可能為咗迎合大眾口味 比泰國當地或者香港一啲泰國人開嘅小店食物略為淡口 但係豬手又好咸😂好極端幾樣食物中 最好食係碟菜 好嫩口 調味適中最後嗌咗個甜品 味道係幾好嘅 但係事前雪定 雪到又硬 表面又有冰粒 有少少配唔上個價位😅食完飯有位員工嘅態度真係影響到全日心情 戴口罩嘅女員工 講野態度已經西 埋完單check緊有冇錯單佢竟然一手搶走張單連卡單塞俾我🙂用餐期間已經長期企門口㩒電話 餐廳請到佢都幾趕客