點鍋

營業中

休息中

疫情下餐廳非常難做，特別係火鍋店。今年因為禁晚市堂食，令到唔少火鍋店都執笠，所以要揀好嘅質素餐廳都唔容易。餐廳最大特色係聘請聾啞人士工作，有做過餐飲業嘅都知道，呢一個係一個好大嘅挑戰。餐飲講求速度、聆聽顧客需要，人手絕對係好重要！但呢間餐廳竟然願意聘用佢地，而且其他同事都好包容，真係好難得！以為火鍋來來去去都係嗰幾樣，但係呢度就有好多意外嘅驚喜，例如：芝士墨魚丸、芝士蝦丸、即炸紫菜響鈴、油炸鬼。呢幾樣都令我好驚喜，絕對係有質素有好服務嘅餐廳。今時今日能夠生存到嘅餐廳真係要支持一下，特別係呢一種又有意義、又有質素嘅同路人！