明珠閣 (已結業)

因為要係沙田新城市購物既關係，都係選擇係商場午餐，可以係大型商場插旗既食肆，當然都係大集團啦⋯⋯都係個句，我係一向支持小店。叫左個午市二人套餐，有菜，海南雞，蛋白炒飯，例湯，腸粉，鵪鶉旦燒賣，當然要加一同茶位費啦。先講海南雞，已經唔夠熱，距離「暖」都差好遠，上枱D雞皮已經好乾身，味道亦肥佬！屋邨餐廳做得好過佢。炒飯亦可以，尾段加入雪耳一齊炒，雪耳軟硬適中，幾特別。例湯味道都係遍鹹腸粉同燒賣都無問題，食得過。炒菜本身無乜嘢，只係食食下見到條蟲🐛 😱最後要提既係，集團商店，收費亦收足，作為客人都希望買得到應有既質素，碗湯真係賣相有點嚇人，我隻湯盅好多位置都崩左，本身上枱，湯碟都有湯，應該廚房出菜前要抹一抺。