陳儀興尚潮樓 (英皇道)

營業中

休息中

陳儀興集團食過幾次都好滿意，新店裝潢有氣派，同屋企人黎食幾好。油泡南澳島鮮魷大塊厚肉，細緻片花令口感更豐富，最特別係點少少蝦醬真係好夾，同朋友一致認同個醬令鮮魷味道昇華左好多，比出面食到嘅潮式油泡鮮魷更出色。鵝片有啲厚度，好似原隻做好岩岩片出黎咁新鮮水潤。 鵝肉軟滑有鵝味，厚切啖啖肉食得好爽。沙茶牛肉炒粿條好正宗，有上次返潮州食到嘅風味，沙茶唔會太咸，粿條先用蛋炒過好香。金不換燉海螺係第一次見到嘅組合，個湯好清，有海螺鮮味，金不換香味有提鮮作用。