倫哥尚品火鍋私房菜 (已結業)

「倫哥」呢個名，我相信出得黎食飯既朋友都一定唔會陌生，同佢掛勾既詞彙都離唔開「打邊爐」、「雞煲」、同「私房菜」。記得第一次幫襯係同家姐慶祝生日，再黎就係同朋友慶祝，再黎又係慶祝慶祝慶祝...今次第N次都係慶祝12月之星但係今次我係去佢尖沙咀既分店，地址係係加拿芬道25-31號5樓，係正K11對面，地點方便易搵。呢間分店地方都算大，裝修簡單，環境座位都舒服。要食就要早d打去book定位啦，我平日都咁full，假日就應該更加爆場不過，可能係人多又唔夠伙記，服務質素就一般。Menu呢度係主打雞煲，一個價錢，冇限時任食雞煲仲有海鮮火鍋tim。如果唔想打邊爐，都仲有私房菜食。雞煲可以揀bb辣，小辣，中辣同大辣，我個人認為辣d係更加入味同惹味既。記住跟佢地步驟咁要由高溫每2分鐘炒一次再降一度，連續4次之後就食得，食到一半，仲可以將d魷魚、豬皮、牛柏葉加落去，吸埋d精華，真係不得了食完雞煲未夠喉既話可以encore，如果夠皮就可以開始打邊爐，我今晚揀既湯底係鮮茄薯仔湯，好足料架環游海鮮盤海鮮併盤可以揀龍蝦（另加$30）或者蟹，仲有蟶子、沙白、海蝦、脆鯇片、龍躉片同蠔全部都好新鮮無與倫比牛頸脊呢個牛頸