半熟工房 (東港城) (已結業)

上網見到半熟工房雪糕買一送一， 之前冇幫襯過，但係見到佢做優惠， 就專程去試下佢出名嘅雪牛角。所謂雪牛角，個雪糕筒唔係一般嘅waffle， 而係用佢出名嘅牛角包做雪糕筒， 標榜雪糕係用北海道4.0牛乳做。又濃又柔滑、質感厚實嘅牛奶雪糕上面， 有幾粒質地似fludge嘅朱古力粒， 口感creamy， 鍾意食heavy 雪糕嘅朋友應該會啱口味。食完雪糕就會嚟到個重點， 就係佢嘅牛角包。由於牛角包入面有溶咗嘅雪糕， 好難食得出入面鬆唔鬆化， 但係外皮都係鬆脆嘅， 食落有香嘅牛油味， 都算唔錯。總括嚟講， 如果冇優惠我都唔會特登去試， 因為以原價$48嘅牛角雪糕都唔算平， 有優惠都可以接受， 厚實嘅雪糕加半個牛角包， 食完就唔使再食飯* 注意:優惠只限某幾間分店， 詳情請參考網上資訊。