半熟工房 (東港城) (已結業)

趁今日有啲時間偷走出嚟high個Tea之前行過幾次都見到啲蛋糕幾靚，所以今日心郁郁走入去試吓食咗個芝士蛋糕，幾軟滑，但係略嫌芝士味唔夠重，覺得可以改進下芝士撻，唔夠熱有啲凍，但係芝士味都幾夠，酥皮都幾趣芋頭latte，香芋味幾足，但係飲落去冇乜甜味，因為我係一個比較鍾意食甜野嘅人，所以對於我黎講落多少少糖會好味啲，但係整體來講杯嘢飲都幾香嘅

今次買了2個蛋糕及布雪試下，以蛋糕價錢都物超所值，而布雪則貴了點，可平d就好了。蛋糕以Oreo 莎莎較好味，而黑鑽就較甜。布雪原味較香，如果平D都值得一試，服務及包裝都很好。

已是第二次低價入貨，今次試埋火焰芝士撻，大滿足😍芝士涵有流心feel，新鮮撻皮好鬆化，但比起芝士蛋糕有啲多咗。以前未試過火焰系列，怕甜，但試過就番唔到轉頭，芝士嘅少鹹配脆焦糖，勁夾😋仲有貪新鮮試埋棉棉牛角，幾特別，棉花糖唔太甜，牛角包香脆，但都係差八月堂少少😅

今日同朋友經過這間蛋糕店，估唔到蛋糕店都有雪糕食🤩發現有新地做緊買一送一😍我地本身以為得一個味道係傳統嘅牛奶味，店員話仲有開心果味，我地當然試下新味道。開心果味食落好香好濃郁嘅開心果味。好正，配埋雪糕脆筒一齊食，味道岩岩好😋店內仲有唔少蛋糕同芝士鐽😋下次再去買黎試下先☺️

味道一流！焦糖脆，撻皮返到屋企先食都無濕（係曲奇皮），芝士心濃郁，不過味道頗甜未必個個覺得啱。如飯後食要留少少肚或同人share，因為有啲濟😋外賣自取45折60蚊半打抵到爆炸

I tried their lava cheese tart in the past so I decided to try their creme brule version. For the flavor, the creme brule was nicely done with the caramelized top have a nice crunch. The cheese tart itself is very rich as usual without being too sweet. However, for the texture, the lava of the tart was not that prominent. This was due to the tart being cold despite I ate it immediately after I bought it. Therefore, the tart lost its main selling point of its lava effect. Moreover, since it was c

星期六食完飯好想食下甜品不嬲呢一間嘅芝士蛋糕都好好味跟住就成班friend諗住試吓士多啤梨味芝士蛋糕（半熟二重奏）！一打開就係深紅色，已經覺得色素好勁！食落芝士味都幾濃，但係茵茵又腫士多啤梨精嘅味道，唔太自然

我的上手「開飯喇」戶口跟手機電話，在故障報銷之前最後一批上門光顧過的食店，包括了這間位於將軍澳坑口「東港城」二樓，「一田超市」門口外面的美食食店區域裡面的日本菜食店。這間日本甜品食店的名稱，叫做「半熟工房」，主打烘焙蛋糕食品。不過主打烘焙食品的「半熟工房」，其他也有一些不靠焗爐製造出來的食品，例如軟雪糕。所以將軍澳「半熟工房」就在店舖門口位置，展示一張有關他們的軟雪糕烘焙麵包食品價目表，食品的正式名稱叫做「雪牛角」，「雪牛角」裡面的「牛」是「牛角包」，亦即是法國菜裡面的「可頌」。「半熟工房」製作這款「雪牛角」的方法，就是把「半熟工房」軟雪糕機器製作出來的牛奶軟雪糕，直接擠進「牛角包」，讓牛奶軟雪糕全數擠進「牛角包」裡面。結果我先後兩次光顧將軍澳「半熟工房」，最後都是購買了「雪牛角」套餐，套餐包括一份擠滿牛奶軟雪糕的「雪牛角」，以及一支樽裝「烏龍茶」飲品。包括「雪牛角」食品，跟樽裝「烏龍茶」飲品在內的「半熟工房」套餐，套餐價錢盛惠港幣四十八元正。其實我本來還想購買，購買「半熟工房」新推出的「完熟九州草莓」軟雪糕套餐，可惜受制於當時身上攜帶的款項有限，所以我最後沒有購買「完熟九州草莓」軟雪

喜歡上食佢的半熟芝士蛋糕純粹只是在一個試食的情況下發生！因為一次試食所以愛上了他!半熟芝士蛋糕🍰:一入口滑溜溜，軟綿綿，好濃芝士味！上層係半熟芝士，下層係海綿蛋糕，雙重口感，食落有種超幸福的感覺！但一定要雪凍食，簡直超完美，自己一次可以食三件架，!唯一的缺點就是有點貴呀！

天氣越黎越熱點可以唔食雪糕見到雪糕就即刻試.🍦🥐半熟雪牛角($48)半熟雪牛角用半個牛角包🥐裝住牛角包唔係新鮮出爐 但仍有脆脆既口感..🍦半熟迷你筒($18)主打用北海道4.0牛乳既極濃牛乳雪糕 入口只有少許牛奶 有D失望只睇相都知呢杯雪糕唔幼滑有少少冰沙既感覺..👎🏻原本以為係當日雪糕機問題，影響雪糕口感因為$48既雪糕唔應該係咁隔左兩日 去食個迷你雪糕筒結果一樣好失望🙍🏻 唔會再想試.📍半熟工房

已經唔係第一次食呢個芝士蛋糕幾年前半熟工房仲未有自己舖頭但陣同事買番嚟請我地食 一食已經好難忘依加時不時癮起想食芝士蛋糕 都會買嚟食❤️佢細細件 唔洗用餐具🍴咬落去好鬆軟creamy 芝士cream做得好滑好香好濃芝士味一直係口入面底層有少少海棉蛋糕做底 都係好鬆軟❤️❤️雖然咁細件都幾貴 但一分錢一分貨會keep住回購的！

放工食個甜品先！今次試左：半熟二重奏、焦糖雞蛋布丁、牛乳雪糕筒。芝士蛋糕做得幾滑身，味道都不錯，稍嫌芝士味唔夠濃。焦糖布丁冇乜驚喜，中規中矩啦。不過焦糖味都幾出，下次路過都會再食嘅。最唔抵係牛乳雪糕，$38但味道真係好普通，同一般市面上嘅平價雪糕冇咩分別。。

平時黎半熟工房買佢嘅芝士蛋糕今日試吓新口味買咗Earl grey味蛋糕同埋Oreo味蛋糕我覺得Oreo味好食好多蛋糕口感好鬆軟唔知點解 伯爵味嗰個食到中間覺得好似有啲花椒味咁

上網見到半熟工房雪糕買一送一， 之前冇幫襯過，但係見到佢做優惠， 就專程去試下佢出名嘅雪牛角。所謂雪牛角，個雪糕筒唔係一般嘅waffle， 而係用佢出名嘅牛角包做雪糕筒， 標榜雪糕係用北海道4.0牛乳做。又濃又柔滑、質感厚實嘅牛奶雪糕上面， 有幾粒質地似fludge嘅朱古力粒， 口感creamy， 鍾意食heavy 雪糕嘅朋友應該會啱口味。食完雪糕就會嚟到個重點， 就係佢嘅牛角包。由於牛角包入面有溶咗嘅雪糕， 好難食得出入面鬆唔鬆化， 但係外皮都係鬆脆嘅， 食落有香嘅牛油味， 都算唔錯。總括嚟講， 如果冇優惠我都唔會特登去試， 因為以原價$48嘅牛角雪糕都唔算平， 有優惠都可以接受， 厚實嘅雪糕加半個牛角包， 食完就唔使再食飯* 注意:優惠只限某幾間分店， 詳情請參考網上資訊。

早輪買左呢件半熟木糠芝士蛋糕黎試,  $36一件~ 呢個木糠蛋糕系列本身有四個味道, 有芝士, 抹茶, 朱古力同埋Oreo味, 因為呢間工房出名芝士好味, 所以我最後都係揀左芝士味啦! (其實都想試Oreo味架..留番下次吧)...同埋其實佢有整個裝咁賣, 好似2百幾蚊一個~ 呢件蛋糕食落幾正丫, 面層舖滿d木糠, 蛋糕入面分左3層, 頭2層係兩種味道同口感都唔同既芝士, 第3層就係海棉蛋糕黎~ 睇返d介紹, 第一層應該係意大利軟芝士, 第二層就係美國忌廉芝士~  加埋既芝士味好香丫! 海棉蛋糕果層都好軟熟~ 成件蛋糕輕盈細滑得黎又有d木糠脆脆地咁, 都幾得意丫. 食一件查實唔多夠喉, 下次可能要放低多d銀兩買成個黎食...