Pizza Maru (朗豪坊)

營業中

休息中

之前食開尖沙咀嗰間，行過朗豪坊，見到新嘅分店，即刻同屋企人入去食。👍🏻薯角炭燒烤雞芝加哥薄餅芝加哥薄餅係佢嘅招牌，批邊加咗杏仁，食落帶微甜。輕輕一切，拎起，就能夠做到拉絲效果，忌廉芝士軟心批邊食落特別鬆軟，口感煙煙韌韌，烤雞醬汁頗燶，加入左蕃茄嘅酸甜，亦係不錯嘅配搭。👍🏻泡菜海灣芝加哥薄餅口感唔再花筆墨去形容，小編特別欣賞佢嘅蛋黃同千島醬汁，混合得特別惹味，加配大小愛吃既蟹棒同鮮蝦，爽甜既洋蔥，點綴左整個薄餅。👍🏻半半炸雞(蜂蜜牛油、蒜香甜辣)半份炸雞有六件，共12件。油分唔多，外皮薄脆，面頭更加灑上左好多嘅蜜糖芝士粉。蒜香甜辣更加滋味，辣度唔高，不過中間略有一啲雞胸會較鞋身同乾身。👍🏻帶子泡菜卡邦尼上碟擺得好完整，帶子唔算大隻但係都幾爽甜，雖然冇明顯見到泡菜，但食落卻有泡菜獨有嘅味道，撈上意粉creamy中帶點微辣，加入洋蔥嘅爽脆，絕對係味蕾嘅衝擊。👍🏻Maru紫酥炸魷魚圈魷魚圈裏面加咗紫酥葉，食落更加香脆， 魷魚圈圓轆轆，炸粉唔會好多，點上洋蔥醬亦都可以解一解油膩，一客仲有10件咁多。👍🏻飲品酸酸甜甜嘅橙汁同餐後用嚟解膩既黑米茶即刻為自己嘅胃子消一消滯。