瀛豐放題料理專門店 (已搬遷) 新店位置

阿女考曬試派曬卷，心情輕鬆愉快，帶佢過銅鑼灣逛逛，shop到攰，搵地方食嘢， 駱克道呢條街有好多食肆，阿女話好想食放題，今晚我哋兩個一於放縱下。試埋個升級版有即開生蠔，先來一打法國皇家生蠔，勁新鮮，勁大隻，size有一個手掌咁大，啖啖肉，非常juicy。刺身拼盤~ 好新鮮，有八種刺身，滑滑珍寶赤蝦、肥美白玉豚、北海道角螺、爽脆馬刀貝、爽口希靈魚、油甘魚、象拔蚌及鮮甜三文魚。升級版仲有海膽帶子~ 厚切帶子好新鮮，中間夾住加拿大海膽，呢個食法好正！推介一定要試。泰式食品種類都好豐富，魚露燒蝦，大大隻好新鮮。阿女好鍾意個泰式魚餅同蝦餅，新鮮熱辣辣炸起，非常香口。我鍾意個泰式燒元貝，蒜蓉可以帶出元貝嘅鮮味。仲有泰式辣椒膏炒蜆，唔會太辣，蜆肉大粒。然後嚟一round壽司~ 甜蛋火炙壽司、火炙芝士魚生船、露筍火炙三文魚壽司、一口鰻魚壽司、牛油果菠蘿鰻魚卷、龍蝦沙律花之戀及蟹肉蟹膏軍艦，每款都很精美，最喜歡個菠蘿卷，清新口味好特別，個蟹膏軍艦都非常吸引。餐廳送咗個蟲草花燉雞湯，好好飲。麻辣牛脷，唔會太辣有口感。鹵水豬耳，爽口入味。尖椒皮蛋，日式放題少有嘅前菜。皇帝蟹棒天婦羅，新鮮炸起，正常發揮。鹹蛋