我愛台妹炸雞排 (已結業)

今日行經紅磡，終於食到想食好耐既台妹雞排。已經五點，但都有人買緊，叫左份雞排要辣，等緊個陣不停有人黎買，似乎都幾好生意喎!炸雞排 : 之前聽人講好似台灣既雞排，食落d辣粉同五香粉既味道都真係幾似。塊雞排好熱好新鮮因為係即炸，粉漿幾脆又唔太厚，不過食食下開始覺得有點太油膩同埋好口渴，呢下就扣左少少分喇。我都係覺得，台灣既雞排比較好味想試下台灣風味都不妨試下既，不過我覺得夏天咁熱響條街度食咁熱既雞排就真係食得唔係幾舒服囉!!