影片
更多
2021-04-03
1204 瀏覽
法日fusion WHISK位於The Mira美麗華酒店，餐廳裝潢雅致，雖然唔算特別靚，但勝在樓底高，枱與枱之間有一定距離，空間感十足。重點係服務一流，法日料理相當嶄新。今次就適逢Restaurant Week嚟到訪！只需要透過Dining City嘅app嚟book位，再用匯豐信用卡埋單，就可以以優惠價品嚐到超過200間餐廳嘅美食。做到4月11號咋，雖然遲啲都會有Winner’s Edition。⠀HK Restaurant Week Spring 20217-course Dinner Elite $5981️⃣Amuse Bouche非常之驚嚇嘅第一道。食完第一啖真係皺晒眉頭。蛋非常滑溜，但面層嘅清湯偏鹹同酸，好似有陣酸味，個人就唔太鍾意。Caviar嘅存在感亦偏低。另外亦有爽脆嘅玉米荀，調味恰到好處，正常發揮。2️⃣Foie Gras 焦糖燉鴨肝 蘋果食完第二道繼續皺眉，一度以為佢今次既menu唔太啱我口味。焦糖燉鴨肝嘅焦糖脆面好靚！不過好似有啲厚薄不一，焦糖太厚既地方有啲痴牙、唔太脆，甜度好高，完全蓋過鴨肝嘅香氣。而焦糖脆面薄啲嘅位置，焦糖嘅甜味同鴨肝嘅香氣相對balance啲。
位於The Mira美麗華酒店，餐廳裝潢雅致，雖然唔算特別靚，但勝在樓底高，枱與枱之間有一定距離，空間感十足。重點係服務一流，法日料理相當嶄新。
今次就適逢Restaurant Week嚟到訪！只需要透過Dining City嘅app嚟book位，再用匯豐信用卡埋單，就可以以優惠價品嚐到超過200間餐廳嘅美食。做到4月11號咋，雖然遲啲都會有Winner’s Edition。
⠀
HK Restaurant Week Spring 2021
7-course Dinner Elite $598
1️⃣Amuse Bouche
非常之驚嚇嘅第一道。食完第一啖真係皺晒眉頭。蛋非常滑溜，但面層嘅清湯偏鹹同酸，好似有陣酸味，個人就唔太鍾意。Caviar嘅存在感亦偏低。
另外亦有爽脆嘅玉米荀，調味恰到好處，正常發揮。
2️⃣Foie Gras 焦糖燉鴨肝 蘋果
食完第二道繼續皺眉，一度以為佢今次既menu唔太啱我口味。
焦糖燉鴨肝嘅焦糖脆面好靚！不過好似有啲厚薄不一，焦糖太厚既地方有啲痴牙、唔太脆，甜度好高，完全蓋過鴨肝嘅香氣。而焦糖脆面薄啲嘅位置，焦糖嘅甜味同鴨肝嘅香氣相對balance啲。
底層嘅燉鴨肝 質地有啲似老左嘅燉蛋，食落無乜鹹香味，令整體感覺偏甜。
旁邊就有一個冰鎮蘋果，賣相唔錯，真係以蘋果作器皿。不過食落就好普通，就係裹滿沙律醬嘅蘋果，勝在蘋果夠晒爽甜。但係我真係唔鍾意食沙律醬。
3️⃣Hakata Jidori 博多地雞 雞白湯
Hakata Jidori
61 瀏覽
0 讚好
0 留言
上菜嘅時候，店員會即場倒入雞白湯至米飯當中。雞白湯味道相當特別，完全係carbonara版嘅雞湯！成個感覺好似泡飯，但係米飯質地唔會好似平時個啲咁軟綿，反而係偏硬身帶咬口，幾鍾意呢個口感。
碗上面有一串雞肉串燒，外層非常香脆，博多地雞肉質嫩滑，香辣微酸好惹味！仲可以點埋帶紅椒香氣既醬汁~
4️⃣Soja Bread 清酒 醬油麵包
Soja Bread
57 瀏覽
1 讚好
0 留言
好神奇地麵包竟然會係第四個course先上。Anyway，係連續兩道好少見又驚喜嘅菜式！
麵包以清酒作烘烤，聞落去陣陣米香，食落真係有淡淡清酒香！麵包外皮偏厚身，超！香！脆！食落同飯焦有幾分相似。果然係醬油麵包，鹹香味越咬越岀，塗上旁邊超香嘅牛油，可以平衡麵包嘅鹹香，不過我就鍾意就咁食個麵包多啲啦。特別鍾意麵包嘅質地，煙韌有彈性！質地真係有啲似外脆內彈嘅canelé。
5️⃣Turbot fish 比目魚 甜豌豆 黑蒜
Turbot fish
43 瀏覽
0 讚好
0 留言
係比較清淡嘅一道~ 比目魚肉質較為紮實，火喉啱啱好夠晒滑，完全唔腥。黑蒜同甜豌豆嘅配搭 令菜式入口有些微甜酸味，特別鍾意爽脆、帶天然甜味嘅甜豌豆。而最底就有帶鹹味嘅菠菜。
6️⃣Lavender Duck // Wagyu, Abalone +$120
Wagyu, Abalone 和牛 鮑魚 +$120
建議大家唔洗加$120轉和牛
和牛屬於比較有咬口個種，肉質唔太軟腍，油脂感低，牛味偏淡。邊邊位帶焦香，但有少少筋。旁邊既醬汁係加左黑松露嘅燒汁，不過點落又唔係好品嚐到黑松露嘅香氣。鮑魚相對較為岀色，爽彈入味。
Lavender Duck 薰衣草 烤鴨 川椒
簡直係有史以嚟食過最滑嘅鴨！滑得嚟有彈性！鴨肉呈粉嫩嘅紅色，鴨味香濃無腥味，估唔到同柔和嘅薰衣草咁夾！入口甜甜地，帶些微川椒嘅香氣，但食落完全唔辣！
旁邊就配左兩款醬汁，兩款都偏酸，可以中和鴨肉嘅油脂感。不過我就覺得唔點醬正啲。
7️⃣Chocolate Temptation // Fromage, Truffle +$60
Fromage, Truffle 法國芝士 松露 +$60
法國軟芝士camembert温熱軟滑帶奶香，鹹香亦挺突岀，就咁食已經好正！而另一舊圓軲轆既竟然係松露雪糕，估唔到松露味都幾香，甜甜地完全唔鹹！不過將兩樣mix埋一齊食 質地一啲都唔夾 (其實正常係咪唔會一齊食?!) 分開食就兩樣都好邪惡好滿足。
Chocolate Temptation 香蕉 朱古力 核桃
Chocolate Temptation
30 瀏覽
0 讚好
0 留言
用餐體驗相當唔錯，店員細心、非常樂於講解每道菜式。食材與配搭上花咗唔少心思，每一道都係味蕾上既衝擊，雞白湯、醬油麵包、薰衣草烤鴨都幾有驚喜。不過偶有一兩道唔太啱口味，成餐飯食到好似坐緊過山車咁。Overall嚟講，都算值得一試！因為完全唔係一般平時食到嘅味道，幾乎每碟都會食到嗯~岀聲 (um不過有兩碟係皺眉既嗯~)。同埋店員比人感覺相當專業同caring！
張貼
