居食屋「和民」 (已結業)

我以前好鐘意食和民既壽司拼盤(唔記得正式個名)同埋熱情果特飲，可惜轉新menu後我鐘意既呢兩樣野都冇左今次黎到東薈城呢間和民覺得水準下降左，飲品選擇都少左好多...芝士薯仔年糕球 $38年糕皮食到有少少麵粉既感覺，中間既芝士都有拉絲，味道正正常常。(半份)蒲燒鰻魚壽司卷 $43壽司飯比較凍同硬，鰻魚都係凍凍地，一般般啦。(半份)鮭魚牛油果壽司卷 $38牛油果比較薄同少，同樣壽司飯較凍同硬，不過魚生都夠新鮮，味道尚可接受。蒜香海鮮石鍋飯 $68個飯冇咩味道，海鮮都冇咩調味，要自己加鼓油，石鍋做唔到飯焦之餘仲搞到啲飯黑黑地色，又韌，唔好食亦都唔推薦。和民沙律 $88味道最好既一道菜~芝麻醬無得輸，蔬菜配搭亦好多樣化，有西蘭花、蕃茄、生菜、雞蛋等。