The Envoy (已結業)

唔係第一次幫襯，上星期去叫咗個2人套餐，問過好似幾特別，反正唔係好肚餓就同朋友order呢個。點知感覺似啲三餸飯咁！健康但唔值呢個價錢。朋友叫扒都算幾好食所以都算。今日朋友請食lunch，去返呢間諗住坐得舒服，雖然大熱天時坐outdoor都叫感覺良好，最少有把大風扇係側邊，都唔算熱嘅。今次叫左個意粉，本身諗住穩陣，西餐意粉都好大路啫，之前一路都冇點過就今次試一試佢。點知黎到係幾得人驚，冇條意粉係完整一條，全部都碎濕濕，用义係無可能捲得起！講真，你都唔係收得平，如果無意粉唔怕同我講，無謂咁攞出嚟比客啦。我朋友請就費事出聲，但係心諗有冇搞錯。我係食意粉唔係銀針粉，唔預計會碎濕濕。味道就一般啦，唔難食但係比啲碎濕濕影響哂個感覺囉！