茶星人 (天盛街市) (已結業)

今日經過，叫咗杯芝芝桃桃。標準size我最初以為係500ml,但原來冰沙類係有700ml。好耐之前聽人講話佢個芝士奶蓋幾好，但今日依杯芝士味唔夠香濃。而冰沙部份，啲冰未打得好碎，都仲有幾粒比較大粒嘅碎冰。另外桃汁太甜，而且完全無果肉，有d失望。如果有啲果肉咬下，會更值33蚊一杯。特別想提服務，真係有啲差。我未見過一間台式飲品店係杯嘢飲整好，個店員就咁放枱面但完全唔叫人/號碼。我係度等嘅時候都有四五個客喺度等，佢真係完全無叫過任何客人攞嘢飲，就咁放低就算。係杯嘢放咗好耐，先有人好疑惑咁埋去問杯嘢係佢嘅。我真係有啲O咀，因為其實係會有機會有客人係會叫同一款飲品/個樣差唔多嘅嘢，攞錯就好麻煩，造成大家都唔敢攞。依個位真係要改善下。